Audi, istehsaldan çıxarılan A2 modelini e-tron seriyasına aid elektrik avtomobilinə çevirdi. Bu elektrikli hetçbek, Audi A2 modelinin 25 illik yubileyi münasibətilə yaradılıb. Audi bu hadisəni xüsusi qeyd edərək unikal bir model olan A2 e-tron-u təqdim edib.
Audi A2 ilk dəfə 1997-ci ildə Frankfurtda konsept-kar kimi debüt edib. O zamanlar bu model, avtomobil sənayesində kiçik, yüngül avtomobillərə olan tələbatın artmasına cavab olaraq yaradılmışdı. İki il sonra seriyalı versiyası bazara çıxsa da, avtomobil Mercedes-Benz A-Class ilə rəqabət aparan əsas modellərdən birinə çevrilsə də, maliyyə baxımından uğursuz oldu. Audi hər satılan avtomobildə təxminən 7500 avro itkiyə məruz qaldığı üçün 2005-ci ildə istehsalı dayandırıldı.
25 illik yubiley münasibətilə hazırlanan A2 e-tron modeli isə tamamilə elektrikli bir hetçbekdir. Motor1.com-un yayımladığı fotoşəkillərdə avtomobilin necə görünə biləcəyi təsvir edilib. A2 e-tron orijinal modeldən bir qədər fərqlidir: kapot və baqajda işıqlandırılan Audi loqosu, müasir dizaynlı işıqlandırma sistemləri və gizli qapı tutacaqları kimi detallarla yenilənib.
A2 e-tron modelini elektrik mühərriki hərəkətə gətirir, lakin bu güc qurğusunun texniki xüsusiyyətləri hələ açıqlanmayıb. Əvvəlki 3,8 metrlik orijinal hetçbek, dövrünün digər supermini avtomobillərindən fərqlənirdi: avtomobilin alüminium şassisi və kuzovu vardı, yanacaq sərfiyyatı 100 kilometrə 3 litr idi, geniş baqajlı transformasiya edilə bilən salonu və çıxarıla bilməyən kapotu ilə yadda qalmışdı — kapot açılmırdı, texniki mayelərin yoxlanılması üçün radiator barmaqlığı açılır və lazımi hissələrə çıxış təmin edilirdi.
Audi-nin bu model üçün böyük planları vardı — ildə 60 min A2 satmağı planlaşdırırdılar, lakin bu heç vaxt baş vermədi. A2 üçün ən yaxşı il 2000-ci il oldu, həmin il 49,3 min avtomobil satıldı. 2005-ci ildə isə istehsaldan çıxarıldı. Ümumilikdə 176 377 ədəd A2 istehsal edildi.
Autoblog.Az – Rəqəmsal avtomobil dərgisi!
