Çin tozsoran istehsalçısı ilk avtomobilini göstərdi və o, nəsə tanış görünür. Seriya istehsalına 2027-ci ildə başlanacağı planlaşdırılır.
Avtomobil sənayesinə daxil olmağa hazırlaşan daha bir Çin şirkəti var. Ev üçün qadcetlərlə tanınan Dreame Technology özünün ilk maşınının — lüks elektrokarının renderlərini təqdim edib. Şirkət onu gələn ilin yanvarında ABŞ-da keçiriləcək məişət elektronikası sərgisində (CES) nümayiş etdirməyi planlaşdırır. Dizayn demək olar ki, Bugatti-ni təkrarlayır və Dreame bundan çəkinmir: çinlilər hətta vurğulayırlar ki, Avropa markasının hiperkarlarından ilhamlanıblar.
Hələlik Dreame Technology yalnız renderlərlə kifayətlənib. Onları şirkətin təsisçisi Yuy Hao öz sosial şəbəkələrində yayımlayıb. Maraqlıdır ki, Dreame-də modelə sadəcə Dreame EV adı verilib və onu Chiron ilə deyil, onun sələfi Veyron ilə müqayisə edirlər.
Salonda Bugatti ilə oxşarlıqlar artıq xeyli azdır. Dreame-də hamar xətlərin əvəzinə düz xətlər üstünlük təşkil edir, inteqrasiya olunmuş “panel”in yerinə isə sükanın sağında, yuxarıdan və aşağıdan yastılaşdırılmış rulun yanında böyük, ayrıca quraşdırılmış ekran var. Elektrokarın “texniki” xüsusiyyətləri barədə isə istehsalçı hələ ki, bir kəlmə də deməyib.
KİV-in məlumatına görə, Dreame artıq Avropada istehsalın işə salınması üçün meydança axtarır — xüsusən də Berlində. Gözlənilir ki, bu zavod Tesla-nın “Gigafactory”sinin yaxınlığında yerləşəcək və şirkət onunla rəqabət aparmaq niyyətindədir.
Autoblog.Az – Rəqəmsal avtomobil dərgisi!
