Toyota Land Cruiser FJ yolsuzluq avtomobilinin görünüşünü açıqladı
Toyota sərfəli Land Cruiser FJ yolsuzluq avtomobilinin dizaynını açıqlayıb. Yapon markasının yeni aşkar edilmiş patenti gələcək “kiçik” modelin eksteryer dizaynını təsdiqləyir. Toyota Land Cruiser FJ ilə bağlı son broşura doğru çıxıb: kuzov tamamilə üst-üstə düşür, yalnız bəzi detallarda (qapı tutacaqları, dam relsləri, radiator barmaqlığı, bamperlər və faralar) fərqlər var. Bu fərqlər patentin sxematik xarakteri və müxtəlif bazarlara uyğunlaşdırılmış modellərlə izah edilə bilər.
İki həftə əvvəl yaponiyalı jurnalistlər ən əlçatan “Kruzak” modelinin əsas texniki xüsusiyyətlərini və fotolarını internetə sızdırmışdılar, indi isə bu məlumatların bir hissəsinin düzgünlüyünü Toyota özü də dolayısı ilə təsdiqləyib. Praktik kuzov dəstinə malik kiçik yolsuzluq avtomobili Land Cruiser Prado/Land Cruiser 300 modelləri ilə eyni TNGA-F çərçivə platformasını paylaşacaq, lakin bazaya aid olan model üçün bu şassinin qısaldılmış versiyası hazırlanır.
Ölçülərinə görə Land Cruiser FJ RAV4 ilə müqayisə oluna biləcək, lakin onun arxitekturası fərqlidir: “uzununa” yerləşdirilmiş mühərrik, Torsen mərkəzi diferensialı ilə tam ötürücü sistem, aşağı ötürmə, ayrılan ön stabilizator, diferensialların kilidlənməsi — yəni böyük yolsuzluq avtomobillərində olduğu kimi hər şey mövcuddur. Kapotun altında isə sadə, atmosferli 2,7 litrlik benzin mühərriki və klassik avtomatik ötürmə qutusu gözlənilir. Lakin təklif ediləcək mühərrik çeşidi satış bazarına görə dəyişəcək.
Satışların 2026-cı ildə başlaması planlaşdırılır, lakin təqdimat yaxın vaxtlarda keçirilə bilər, çünki müəyyən mənada tizer kampaniyasına təxminən iki il əvvəl start verilib. Əvvəlcə bu modelin elektromobil olacağı düşünülürdü, lakin indi “batareya” texnologiyası ilə bağlı heç bir plan yoxdur.
Bizi oxumaq faydalıdır!
