Ayrı bir şirkətə çevirmək istədikləri, “Geely”-nin premium alt brendi “Zeekr” ikinci modelini təqdim etdi. Bu, “Geely”-nin SEA (Sustainable Experience Architecture) platformasında hazırlanmış böyük və dəbdəbəli, elektrikli “Zeekr 009” minivenidir.
![](https://autoblog.az/wp-content/uploads/2022/11/3AA1BCC7-4C6C-4770-8006-03B7594AE36F.png)
“Zeekr 009”-un ölçüləri 5209 x 2024 x 1856 mm, təkər bazası 3205 mm-dir. O, 20 düymlük diskləri və pnevmatik asqı ilə təchiz olunub.Avtomobil ön tərəfdən saxta radiator barmaqlığı və qeyri-adi oprika ilə maraqlı görünüş alıb.
![](https://autoblog.az/wp-content/uploads/2022/11/2D0787D5-9C94-425F-87EF-3BE5322FE18E.png)
Salonda yalnız əyləncə üçün deyil, həm də klimat-kontrol sistemi, elektrik şüşələr və pəncərə pərdələri kimi əsas funksiyaları idarə etmək üçün istifadə olunan bir neçə “touch” ekranı var.
![](https://autoblog.az/wp-content/uploads/2022/11/0455DDCB-A6B1-4D2F-8295-504C71923B10.png)
“Zeekr 009” iki elektrik mühərriki və tam ötürmə sistemi ilə istehsal ediləcək. Ön və arxa oxlarda ümumi gücü 544 at gücünə malik bir elektrik mühərriki quraşdırılıb. Akkumulyatorun tutumu 116 kVt/saatdır ki, bu da enerji doldurmadan 676 km məsafə qət etməyə imkan verir (CLTC dövrünə uyğun olaraq). Yeni minivenin maksimal sürəti 190 km/saatdır.
![](https://autoblog.az/wp-content/uploads/2022/11/6B4DE5AD-2F2D-4AD7-9D76-E7F9E04C5274.png)
![](https://autoblog.az/wp-content/uploads/2022/11/BA6A4137-F790-414B-8292-9BB3C92FCB58.png)
Çində “Zeekr 009”-un satışı 2022-ci ilin sonunda təxminən 55 min dollar qiymətinə başlayacaq.
Maraqlıdır ölkəmizdə elektrikli minivenlər sevilərmi?
Autoblog.Az – Rəqəmsal avtomobil dərgisi.