Yeni Skoda modelinin adı məlum oldu: “K” hərfi ilə başlayır və “Q” hərfi ilə bitir. Çex markasının bütün krossoverlərinin adları bu qaydaya əsaslanır və yeni model də bu istisna olmayacaq — onu Kylaq adlandıracaqlar. Bu ad minlərlə insanın seçimi ilə müəyyən olunub. Bunun üçün Hindistanda, Kylaq modelinin bazara çıxarılacağı ölkədə, “Name your Skoda” (“Öz Skodana ad ver”) adlı milli kampaniya keçirilib və əksəriyyət məhz bu adı seçib. Kylaq sanskrit dilində “kristal” mənasını verir.
Kylaq — uzunluğu dörd metr olan subkompakt krossoverdir, bu səbəbdən Hindistanda tətbiq edilən vergi güzəştlərindən faydalanır. Bundan əlavə, o, Volkswagen konserninin cari model sırasındakı ən kiçik krossoverdir. Əgər onu digər Skoda modelləri ilə müqayisə etsək, hətta 4,1 metr uzunluğundakı Fabia modelindən də kiçikdir.
Reklam: Fotoya toxun kluba üzv ol ⤵️
Modelin əsasını sadələşdirilmiş MQB-A0-IN platforması təşkil edir, və krossoveri hərəkətə gətirən 1,0 litr həcmində, 115 at gücündə mühərrikdir. Bu mühərriklə həm 6 pilləli mexaniki sürət qutusu, həm də 6 diapazonlu avtomatik transmissiya işləyəcək. Hazırda Skoda Kylaq modelinin texniki xüsusiyyətləri haqqında məlum olanlar bunlardır.
Modelin Hindistanda satışa çıxarılması 2025-ci ilə planlaşdırılır.
Autocar India ehtimal edir ki, satışın başlanğıcında model üçün 360 dərəcə kamera sistemi və ADAS (avanqard sürücü yardım sistemləri) kimi opsiyalar əlçatan olacaq. Kylaq modelinin ilkin qiymətinin 800 min ilə 1,4 milyon rupi arasında (bugünkü məzənnə ilə 16 min ilə 28 min manat aralığında) olması gözlənilir. Yeni modelin əsas rəqibləri Hyundai Venue, Tata Nexon, Kia Sonet və Maruti Brezza olacaq.
Autoblog.Az – Bizi oxumaq faydalıdır!
