SEAT-ın “sport” versiyası və Volkswagen Qrupunun bir hissəsi olan Cupra şirkəti Tavascan adlı yeni elektrik kupe krossoverini təqdim etməyə hazırlaşır.
İstehsalçı yeniliyi sirr saxlaya bilməyib. Yeniliyin patent fotosu şəbəkəyə sızıb. Elektromobil 2019-cu ildə nümayiş etdirilən konseptlə demək olar ki, eynidir.O, eyni çevik siluetə, əyilmiş faralara, böyük təkərlərə, aqressiv bamperlərə malikdir.
![](https://autoblog.az/wp-content/uploads/2022/12/61761D00-42A3-4C70-AE28-3C9C2B4FE7D3-1024x576.png)
Məlumdur ki, Tavascan VW konserninin MEB modul platformasında qurulub və uzunluğu 4660 mm-ə çatacaq.Bazara iki versiyada çıxacaq.Tək mühərrikli versiya 204 at gücü hasil edəcək tam ötürücülü versiya isə – 295 at gücü.500 km-ə qədər enerji ehtiyatı 82 kVt/saatlıq akkumulyatorla təmin ediləcək.
Tavascan ispan brendinin ilk elektromobili olacaq. Onun ardınca Terramar hibrid krossoveri gələcək.Bu, Volkswagen Tiguanın Cupra versiyasıdır.O, sırf elektrik rejimində 100 km-ə qədər sürülə biləcək.
© www.autoblog.az
Autoblog.Az – Rəqəmsal avtomobil dərgisi.