Yeni il ərəfəsində Toyota 2023-cü ilin premyeralarını rəsmən elan etdi.Supra GRMN-in təqdimatı artıq yazda, yeni C-HR və növbəti Land Cruiser Prado-nun yayda təqdim ediləcəyi vəd edilir.Crown Sports SUV və Crown Estate universalının payızda, ardınca sedanın 2024-cü ilin yazında debüt etməsi planlaşdırılır.
Bu siyahıda bizi ən çox növbəti Land Cruiser Prado maraqlandırır.İkonik SUV-un yeni nəsli indiki nəsil modelin meydana çıxmasından 13 il sonra buraxılacaq.Yenilik haqqında məlumatı BestCarWeb paylaşıb.
Yolsuzluq avtomobili Land Cruiser 300 və yeni Tundra pikapında istifadə edilən TNGA-F modul arxitekturasında qurulacaq.Platformanın dəyişdirilməsi çərçivə strukturunu qoruyaraq avtomobilin çəkisini azaldacaq.
![](http://autoblog.az/wp-content/uploads/2022/12/DC91CCEE-2958-4F2E-9894-4C4998F97916-1024x576.png)
Yeni Land Cruiser Prado-nun mühərrik xətti 2,8 litrlik dizel mühərriki də daxil olmaqla dörd silindrli mühərriklərdən formalaşacaq.Enerji bloklarının bəziləri elektrikləşdirilib, bu, yanacaq sərfiyyatını azaldacaq və səmərəliliyi artıracaq. Həmçinin TNGA-F sayəsində ikonik SUV yeni nəsildə V6 mühərrikləri ilə təklif olunacaq.Xüsusilə, Land Cruiser 300-də istifadə olunan 299 at gücü olan 3,3 litrlik mühərriklə.
© www.autoblog.az
Autoblog.Az – Rəqəmsal avtomobil dərgisi.